بولمىسىمۇ سىھرى كارامەت،
تۆكۈلۈپلا تۇرار نازاكەت.
ئايرىمىسۇن دەيمەن ئىلاھىم،
ئىلكىمدىكى چۈشلەردىن پەقەت.
ئالتۇنلارنى چايقايدۇ قۇملۇق،
يىشىللىقنى يۈتتۈرگەن ھامان.
كۆيۈپ قالدىم بىلمەي ئاھ!ساڭا،
بىلمىگەندەك ئۆلۈشنى قاچان .
تىرەلمىدىم مارجان تاشلارنى،
يۇمۇۋىلىپ كۆزىنى بۇلاق .
بولۇۋالسا يۇنۇس بىلىققا،
سۇمبۇل چاچلار مۇلايىم سىرتماق.
ئۆچۈپ قالغان گۈلخان ئىزىنى،
جۇدۇنلاردىن يۈرەيمۇ سوراپ.
قىسمەتلەردىن ماڭا بەخشەندە-
كۈتۈش. قۇمدەك پۈتۈنلۈكۈمنى،
ئىچىلمىغان گۈلۈمگە قاراپ.
ئاتا-ئانام تۇرۇپ يىتىملىك
ئۆز ئۆيۈمدە مۇساپىرلىقنى
قالدۇرۇپمۇ بۈگۈن-ئەتەمگە.
ئاراڭلاردىن مەر-مەر ھەيكەللەر،
بىرەرىمۇ سەلكىن شامالدەك،
ئۆزگەرمىدى يىقىن كىشىمگە.
ماڭا قانداق بىرەلەيسىلەر،
يوق نەرسىنى ئۆزۈڭلاردىكى.
ياپالمىسا ئىسسىق تىنىڭلار،
قابرىلەرنى كۆزۈڭلاردىكى....
0 ئىنكاس:
ئىنكاس