بىر ئىمامنىڭ ئەرزى ۋە قازىنىڭ جاۋابى،

تېيىپجان ئېليوپ

بىراۋدىن ئاڭلاپ بۇ ھىكايەتنى مەن،
پۈتتۈم ئاق قەغەزگە قارا خەتنى مەن.
قاراڭ بىر ئىمامنىڭ بېشى بەك قېتىپ،
قازىنىڭ ئالدىغا كەپتۇ ھال ئېيتىپ.
''...پەقىرگە ئۆزلىرى ئېتىماد قىلىپ،
ئىماملىقنى بەرگەن ئىلتىپات قىلىپ.
ۋە لېكىن بۇ مەسجىد جامائىتىنىڭ
تايىنى يوق ئىكەن ساداقىتىنىڭ.
يىل ئۆتمەي شەكلىنىپ مېنىڭدىن كېچىپ،
بۆلەك مەسجىدلەرگە كېتىشتى قېچىپ .
ھەممىدىن يامىنى،تەخسىر،سىلىنى
يامانغا يانتاياق بولدى دېگىنى.
شۇڭا بەك قاينىدىم،ئۆتمىدى لەۋزىم،
ئەمدى شۇبۇ ھەقتە سىلىگە ئەرزىم:
جازاسىنى تاپسا بىرنەچچە مۇرتەد،
جاماەت ئالاتتى بۇنىڭدىن ئىبرەت...''

قازى ئىش تەكتىدىن خەۋەردار ئىدى،
ئۆزىمۇ پۇشمانغا گىىرپتار ئىدى.
''خام ئويلاپتىمەن''دەپ سۆكۈپ ئۆزىنى،
جاۋابەن ئىمامغا دېدى سۆزىنى:
''قىلالمايمەن ئەمدى بۇ ئىشقا سايى،
قايتىپتۇ سېنىڭدىن جامائەت رايى.
ئىلىم بابىدىمۇ تومتاق ئىكەنسەن،
جىنازە نامازغا ئامراق ئىكەنسەن.
''ئېلىپ''تىن ئۆزگىنى بىلمەيدىكەنسەن.
مىڭ قىلساممۇ كارغا كەلمەيدىكەنسەن.
لەت قىلار ئادەمنى رىياكارلىقى،
نەپسىنىڭ كەڭلىكى،كۆڭۈل تارلىقى.
بۇنى سەزگەنلەرنى تارتسام جازاغا،
سەۋەپكار بولىمەن چوڭراق نىزاغا.
شۇڭا سەن ماڭا ھال ئېيتىشتىن بۇرۇن،
ياخشىسى جامائەت قىچىشتىن بۇرۇن،
قېچىپ كەتكەن بولساڭ ئۆزەڭنى سوراپ،
بولمايتتى ھالىڭمۇ بۇنچىلا خاراپ...''
1983 -يىل.
شائېرنىڭ «يانتاق» ناملىق شېئىرلار توپلىمىدىن،

تولۇق ئوقۇش

ﺭﻭﺯﻯ ﺳﺎﻳﯩﺖ : ﻣﯩﻨﯩﯔ سۆرىتىم

ﭼﯩﻨﻠﯩﻘﯩﻨﻰ ﻛﯘﺯﯨﺘﯩﭗ ﺑﯘ ﺩﻩﻡ،
ﺳﯘﺭﯨﺘﯩﻤﻨﻰ ﺳﯚﺯﻟﯩﺘﯩﭗ ﺋۆﺯﯗﻡ،
ﺑﻪﺷﯩﺮﻩﻣﻨﻰ ﺳﯧﺰﯨﯟﺍﺗﯩﻤﻪﻥ.
ﻛﯩﻤﻠﯩﻜﯩﻤﻨﻰ ﺑﯩﻠﯩﯟﺍﻟﺴﯘﻥ ﺩﻩﭖ،
ﺗﻮﻧﯘﯞﺍﻟﺴﯘﻥ ﺩﻩﭖ،
ﻫﻪﺭ ﺳﯩﺰﯨﻘﻨﯩﯔ ﺋﺎﺳﺘﯩﻐﺎ ﺋﯩﺰﺍﻫ،
ﭼﯘﺷﻪﻧﺪﯗﺭﯗﺵ ﻳﯧﺰﯨﯟﺍﺗﯩﻤﻪﻥ .

ﺋﺎﻟﻠﯩﻜﯩﻤﻠﻪﺭ ﺳﯩﺰﻣﺎﻣﻨﻰ ﻛۆﺭﯗﭖ،
ﻗﺎﭘﺎﻗﻨﻰ ﺗﯘﺭﯗﭖ:
ﺑﯘ ﺳﻪﻥ ﺋﻪﻣﻪﺱ،
ﺋﻮﺧﺸﺎﭘﺘﯘ ﻣﺎﯕﺎ،
ﺧﻪﭖ!...ﻣﻪﻥ ﺗﯩﺨﻰ...
ﺗﻮﺧﺘﺎﭘﺘﯘﺭ، ﺳﺎﯕﺎ!...
ﺋﺎﺷﯘﻧﺪﺍﻕ ﺩﯨﺴﻪ؟
ﻧﯧﻤﻪ ﺋﺎﻣﺎﻝ؟ ﺋﯘﻣﯘ ﺋﯩﺨﺘﯩﻴﺎﺭ،
ﻣﺎﯕﺎ ﺋﻮﺧﺸﺎﺵ ﺋﺎﺩﻩﻣﻠﻪﺭﻣﯘ ﺑﺎﺭ،
ﺋﻪﻣﻤﺎ ﺗﻪﻗﻠﯩﺪ ﻗﯩﻠﻤﯩﺪﯨﻢ ﺋﺎﯕﺎ
ﻳﯜﺭﯨﻜﯩﻢ ﺗﻮﻡ ﻗﻮﺭﻗﻤﺎﻳﻤﻪﻥ ﺷﯘﯕﺎ،
ﺳﯘﺭﯨﺘﯩﻤﻨﻰ ﻛﻮﺭﯗﭖ ﺑﯧﻘﯩﯖﻼﺭ
ﺗﯩﺰﯨﭗ ﻗﻮﻳﺪﯗﻡ ﻣﺎﻧﺎ ﺋﻪﻣﯩﺴﻪ !
~~~~~~~
ﻣﻪﻧﻐﯘ ﺋﻪﺳﻠﻰ ﺋﯚﻟﮕﻪﻧﮕﻪ ﻫﯧﺴﺎﺏ
ﺋﻪﻝ ﺳﯩﭙﯩﺪﯨﻦ ﺑﻮﻟﻐﺎﭼﻘﺎ ﻏﺎﻳﯩﭗ.
ﻧﯧﻤﻪ ﯞﯨﺠﺪﺍﻥ؟!...
ﻫﯩﺲ-ﺗﯘﻳﻐﯘ ﺩﯦﮕﻪﻥ؟،
ﻳﻮق ﺟﯩﺴﻤﯩﻤﺪﺍ ﻗﯩﻠﭽﯩﻠﯩﻚ ﺋﯩﻨﺴﺎﭖ.
ﭼﯜﻧﻜﻰ ﻧﻪﭘﺴﯩﻢ ﺋﻪﻗﻠﯩﻤﻨﻰ ﺗﻮﺳﺎﭖ،
ﺋﯘﭼﺮﯨﻐﺎﻧﻨﻰ ﻫﺎﭖ..ﺋﯧﺘﯩﭗ ﻗﺎﺳﺎﭖ،
ﺋﯩﺴﻜﻪﺕ ﺗﯘﺯﺩﯗﻡ ﻏﻪﻳﺮﻯ-ﺋﺎﺟﺎﻳﯩﭗ.

ﺷﯘﻏﯩﻨﯩﺴﻰ ﭘﯧﻘﯩﺮﻧﯩﯔ تېخى
ﺳﺎﻕ-ﺑﯧﺠﯩﺮﯨﻢ ﻳﻪﺗﺘﻪ ﺋﻪﺯﺍﻳﻰ.
ﭘﻪﻗﻪﺕ،
ﻣﯘﺳﻜﯘﻟﻠﯩﺮﻯ ﺋۆﺯﮔﯘﺭﯗﺵ ﻳﺎﺳﺎﭖ،
ﻛﯩﺮﺩﻯ ﻣﺎﻧﺎ ﺑﯚﻟﻪﻛﭽﻪ ﺗﯜﺳﻜﻪ،
ﺧﯘﻟﻘﻰ-ﺋﻪﺯﺍﻳﻰ،
ﺋﻪﺯﺍﻻﺭﻧﯩﯔ ﺋﺎﻟﻤﺎﺷﺘﻰ ﺟﺎﻳﻰ .

ﻛۆﺭ ﻣﺎﻧﺎ ﺳﯚﺭﻩﺕ،
ﻣﺎﻧﺎ-ﺑﯘ ﺳﯩﻴﺎﻕ.
ﻗﯩﻴﺎﭘﯩﺘﯩﻨﯩﯔ ﺋﻮﺯ ﺋﻪﻳﻨﻰ ﻣﯘﺷﯘ،
ﻳﻮﻕ ﺯﻩﺭﺭﯨﭽﻪ ﺋﺎﺭﺗﯘﻕ،ﻛﻪﻡ ﺑﻮﻳﺎﻕ:
ﻣﺎﻧﺎ ﻣﺎﯞﯗ ﺑﺎﺵ....
ﺋﯘ ﻳﻪﻟﻜﯩﺪﯨﻦ ﻛۆﭼﺘﻰ ﭼﺎﺗﺮﺍﻗﻘﺎ.
ﯞﻩﺯﯨﭙﯩﺴﻰ ﺧﻮﺵ-ﺧﻮﺵ..._ﻣﺎﻗﯘﻟﻠﯘﻕ،
ﮔﯩﻠﺪﯨﯖﺸﯩﻴﺪﯗ ﺑﯩﻠﺪﯛﺭﯛﭖ ﻗﯘﻟﻠﯘﻕ
ﺗﯩﻚ ﺗﯘﺭﻏﯩﺪﻩﻙ ﻣﺎﺟﺎﻟﯩﻤﯘ ﻳﻮﻕ،
ﺋﯧﮕﯩﻠﯩﺪﯗ ﺳﻪﺟﺪﻩ-ﺗﺎﯞﺍﭘﻘﺎ.
ﺋﯘﻧﯩﯖﺪﯨﻜﻰ ﺑﺎﺭ-ﻳﻮﻕ ﺋﯩﻘﺘﯩﺪﺍﺭ،
ﺳﻪﺭﭖ ﺑﻮﻟﯘﭖ ﻳﯩﺘﻜﻪﻥ...ﺗﯜﮔﯩﮕﻪﻥ،
ﺧﻮﺷﺎﻣﻪﺗﻜﻪ،
ﺷﺎﺭﺍﭖ، ﻛﺎﯞﺍﭖ..ﻗﺎ ،

ﻣﺎﻧﺎ ﻣﺎﯞﯗ ﺑﻪﻝ....
ﺋﻮﺧﺸﯩﻐﯩﻠﻰ ﻧﯩﻜﻪﻡ ﻗﯩﺴﻤﺎﻗﻘﺎ.
ﺋﻪﺳﻠﯩﺪﯨﻜﻰ ﺗﯩﻜﻠﯩﻚ ﻳﻮﻗﯩﻠﯩﭗ،
ﻛﯩﺮﺩﻯ ﺋﻪﻣﺪﻯ ﻏﻪﻳﺮﻯ ﺳﯩﻴﺎﻗﻘﺎ.
ﺗﺎﻝ ﭼﯩﯟﯨﻘﺘﻪﻙ ﺋﻪﯞﺭﯨﺸﯩﻤﻠﯩﮕﻰ،
ﺷﺎﻣﺎﻟﻐﺎ ﺑﯧﻘﯩﭗ،
ﺗﻮﻟﻐﯩﻨﯩﺪﯗ ﺗﯩﻨﻤﺎﻱ ﻫﻪﺭﻳﺎﻗﻘﺎ.
ﺷﯘﯕﺎ ﺑﯩﻠﻰ ﺋﯘﻣﯘﺭﺗﻘﺴﯩﺰ ﺩﻩﭖ،
ﺑﻮﻟﺪﯗﻡ ﺩﺍﺧﯩﻞ ﻧﻪﭘﻠﯩﻚ ﺗﺎﯞﺍﻗﻘﺎ...

ﻣﺎﻧﺎ ﻣﺎﯞﯗ ﻗﻮﻝ....
ﺋﺎﯞﯞﺍﻟﻘﯩﻐﺎ ﺋﻮﺧﺸﯩﻤﺎﺱ ﺭﺍستلا.
ﺗﻮﺧﺘﯩﻤﺎﺳﺘﯩﻦ ﺋﯩﺸﻘﯩﻠﯩﻨﯩﺪﯗ،
ﻫﻪﻡ ﻛۆﻛﺮﻩﻛﺘﯩﻦ ﺋﺎﺟﺮﯨﻤﺎﺱ ﺋﻪسلا.
ﺋﯘ ﺑﻮﻟﻐﺎﭼﻘﺎ ﺧﻪﻗﻨﯩﯔ ﺭﺍﻳﯩﺪﺍ،
ﺗﯘﺭﺍﻟﻤﺎﻳﺪﯗ ﺑﯩﺮﺩﻩﻡ ﺟﺎﻳﯩﺪﺍ ،
ﭘﻪﻟﺘﯘلاﺭﺩﯨﻦ ﺗﻮﭘﺎ ﻗﺎﻗﻘﯩﻠﻰ،
ﺑﺎلا ﺑﺎﻗﻘﯩﻠﻰ....
ﻛﻪﺗﺴﻪ ﮔﺎﻫﯩﺪﺍ؛
يېيىپ ﮔﺎﻫﻰ ﺗﺎﻣﺎ ﺩﺍﺳﻘﯩﻨﻰ،
ﻧﻪﭖ ﺑﺎﺭ ﺟﺎﻳﻐﺎ ﺳﻮﺯﯗلاﺭ ﺧﺎسلا .

ﻣﺎﻧﺎ ﻣﺎﯞﯗ ﭘﯘﺕ....
ﻛۆﻧﯘﻙ ﺑﯘ ﭘﯘﺕ ﺷﯩﭙﯩﺮ-ﺷﯩﭙﯩﺮﻏﺎ
ﻏﯩﭙﯩﺮ-ﻏﯩﭙﯩﺮﻏﺎ ،
ﻣﯧﯖﯩﯟﯦﺮﯨﭗ ﺋﯘﻟﺪﺍﭖ ﻛﻪﺗﻜﻪﭼﻜﻪ،
ﺗﻮﺷﯘﭖ ﻛﻪﺗﺘﻰ ﺋﺎﺳﺘﻰ ﺗﻪﺭﯨﭙﻰ،
ﻳﯩﺮﯨﻖ...ﻳﯧﻐﯩﺮﻏﺎ ،
ﺋﻪﻣﻤﺎ ﺋﯘﻧﯩﯔ ﺋﺎﻟﺪﯨﺮﺍﺷﻠﯩﺮﻯ ،
ﺋﻪﻣﻪﺱ ﺋﻪﻟﻨﯩﯔ ﺧﯩﺰﻣﯩﺘﻰ ﺋﯘﭼﯘﻥ ،
ﺑﯘ ﺑﯩﺮ ﺳﯩﺮ ﻳﻮﭼﯘﻥ
ﻳﺎﻗﺴﺎﻣﺘﯩﻢ ﺩﻩﭖ ﻛﺎﺗﺘﺎ ﺋﻪﺭﺑﺎﭘﻘﺎ،
ﻳﻮﺭغىلاﻳﺪﯗ ﺩﻩﺳﺴﻪﭖ ﻫﻪﺭﺑﺎﭘﻘﺎ ،
ﺋﯩﺰﻯ ﻗﺎﻟﯩﺪﯗ ،
ﺋﺎﻟﻠﯩﻜﯩﻤﻨﯩﯔ ﺑﯩﺸﯩﺪﺍ، ﮔﺎﻫﻰ-
ﺳﻮﻧﺠﺎقلاﻳﺪﯗ ﺋﺎﻳﯩﻤﺎﻱ ﻫﻪﺗﺘﺎ ،
ﻳﯘﺭﻩﻙ-ﺑﯩﻐﯩﺮﻏﺎ.....

ﻣﺎﻧﺎ، ﻣﺎﯞﯗ ﻛﻮﺯ....
ﺋﯘ ﭘﯘﺗﻜﻪﻥ....
ﺋﯘ ﻳﯘﺗﻜﻪﻥ....
ئەلا ﺋﯘﻧﯩﯔ ﻳﻮﻗﻰ-ﺑﺎﺭﯨﺪﯨﻦ .
ﺑﻮﻟﻐﺎﻥ ﺋﯘﭼﯘﻥ ﻧﻪﺯﻩﺭﺩﯨﻦ ﺳﺎﻗﯩﺖ،
ﻫﻪﻕ-ﻧﺎﻫﻪﻗﻨﻰ ﻛﻮﺭﯗﺵ-
ﭘﻪﺭﻕ ﺋﯩﺘﯩﺶ ،
لىللاﻟﯩﻘﻨﯩﯔ ﻛﺎﺭﻯ-ﺑﺎﺭﯨﺪﯨﻦ .
ﻣﯩﺖ ﻗﯩﻠﻤﺎﻳﺪﯗ ﺧﯧﻠﯩﺪﯨﻦ ﺑﯩﺮﻯ،
ﭼﺎپلاﺷﻘﺎﭼﻘﺎ ﺟﯩﻴﯩﻜﻰ-ﻗﯩﺮﻯ،
ﻧﯩﻤﯩﺸﻘﺎ ﺷﯘﻧﺪﺍﻕ؟-
ﻧﯧﻤﯩﺪﯨﻨﺪﯗﺭ؟...ﺩﻩﭘﻘﺎﻟﻤﺎ-ﺳﯩﺮﻯ...
ﻫﺎﺯﯨﺮ ﺋﯘﻧﻰ ﻳﯩﯖﻨﺎﺳﻘﯘ ﺑﺎﺳﻘﺎﻥ،
ﺗﯩﻜﯩﻠﮕﻪﭼﻜﻪ ﻗﺎﺭﯨﻤﺎﺱ ﻳﻪﺭﮔﻪ ،
ﻫﯧﻠﻰ ﺗﻪﻟﻤﯘﺭﯗﭖ...
ﻫﯧﻠﻰ ﭼﻪﻛﭽﯩﻴﯩﭗ،
ﻫﯧﻠﻰ ﺋﺎﻟﯩﻴﯩﭗ...
ﻫﯧﻠﻰ لاﻟﯩﻴﯩﭗ ،
ﺭﺍﻳﻰ ﺑﺎﺭﻣﺎﻱ ﻫﻪﻗﻨﻰ ﻛﻮﺭﻩﺭﮔﻪ ؛
ﻛۆﻧﯩﯟﺍﻟﻐﺎﭺ ﺷﯘﻧﺪﺍﻕ ﻫﯘﻧﻪﺭﮔﻪ
ﺋﺎﻕ ﭼﯜﺷﺘﻰ ﺋﯩﺴﯩﺖ..ﺳﺎﭖ-ﺳﺎﻕ ﮔﯚﻫﻪﺭﮔﻪ .

ﻣﺎنا ﺑﯘ ﺋﯧﻐﯩﺰ...
ﺋﯘ قىلاﻟﻤﺎﻱ ﺭﻭﻟﯩﻨﻰ ﺟﺎﺭﻯ ،
ﻟﻪﻧﻪﺗﻠﻪﻧﺪﻯ ﺗۆﺷﯘﻙ-ﺩﯨﯟﺍﺭﻯ ،
ﺋﻮﺯ ﺟﺎﻳﯩﺪﺍ ﺗﯘﺭﺍﻟﻤﺎﻱ ﺷﯘﯕﺎ ،
ﻛﯩﺘﯩﭗ ﻗﺎﻟﺪﻯ ﺗﻮﻫﻤﻪﺕ ﻗﯩﻠﻐﯩﻠﻰ ،
ﻳﺎﻟﻐﺎﻥ ﺋﻪﻳﺘﻘﯩﻠﻰ ،
ﻳﺎﻟﯩﻐﯩﻠﻰ ،
ﺗﺎﻟﯩﻐﯩﻠﻰ ،
ﻗﯩﺮﯨﻨﺪﺍﺷﻨﻰ ﻳﺎﺗﻘﺎ ﺳﺎﺗﻘﯩﻠﻰ ،
ﻳﯘﺗﯘﭖ-ﻳﺎﻟﻤﺎﭖ ﻳﯩﺘﯩﻢ ﻫﻪﻗﻘﯩﻨﻰ
ﺋﺎﯞﺍﻡ ﺭﯨﺰﻗﯩﻨﻰ ،
ﻳﯘﺭەكلەردىن ﺗﺎﺳﻤﺎ ﺗﯩﻠﻐﯩﻠﻰ .




ﻣﺎﻧﺎ ﻣﺎﯞﯗ ﭼﯩﺶ...
ﺋﯘﻧﯩﯔ ﺑﻪﺭﻯ ﺳﯘﻧﯘﭖ ﺗﯘﮔﯩﺪﻯ ،
ﻛﺎﺳﯩﻠﺪﺍﺷﺘﺎ ﺋﯘﭘﺮﺍﭖ-ﺋﯘﯞﯗﻟﯘﭖ .
ﭼﯩﺸﻠﻪﭖ - ﺗﺎﺭﺗﯩﭗ ،
ﻏﺎﺟﺎﭖ ﺋﺎﺭﺍﻣﺴﯩﺰ ،
ﻛﻪﺗﺘﻰ ﺋﺎﺧﯩﺮ ﺗﯘﯞﻯ ﭼﯘﯞﯗﻟﯘﭖ ،
ﻣﯘﺷﺘﻘﺎ ﺗﯩﮕﯩﭗ...
ﺗﺎﺷﻘﺎ ﺋﯘﺭﯗﻟﯘﭖ .




ﻣﺎنا ﺑﯘ ﺑﯘﺭﯗﻥ....
ﻳﻮﻗﺎﺗﺘﻰ ﺋﯘ ﺋﻮﺯ ﺳﻪﺯﮔﯘﺳﯩﻨﻰ .
ﺑﻪﺗﺒﯘﻱلاﺭﺩﯨﻦ ﺳﻪﺳﻜﻪﻧﻤﻪﺱ ﻫﺎﺯﯨﺮ ،
ﺋﻪﻣﻤﺎ ﺋﯘﻧﯩﯔ ﭘﯘﺭﺍﺵ ﺳﯩﺰﯨﻤﻰ-
ﺋﯩﺸﯩﭗ..ﺋﻮﺗﺘﻰ ﺋﺎﻟﺪﻯ ﻗﺎﺗﺎﺭﻏﺎ .
ﺑﯘ ﻫﯘﻧﯩﺮﻯ ﺋﻪﺱقىتىپ ﺑﻪﻛﻤﯘ ،
ﻳﺎﺭﯨﺪﻯ ﻛﺎﺭﻏﺎ .
ﺷﯘﯕﺎ ﺑﯘﺭﯗﻥ ﻳﯩﻘﯩﻨﺪﯨﻦ ﺑﯩﺮﻯ
ﺋﺎﭘﺸﺎﺭﻛﯩﺪﻩﻙ ﭼﯩﻘﺘﻰ ﺑﺎﺯﺍﺭﻏﺎ .
ﺑﯘﺭﯗﻥ-ﺋﺎﭘﺸﺎﺭﻛﺎ ،
ﺯﻩﻧﺠﯩﺮ ﺳﻮﺭﻩﭖ تىمىسقىلاپ ﻳﯘﺭﯗﭖ ،
ﺧﯘﺵ ﭘﯘﺭﺍﻗﻨﻰ ﻗﻮﻳﺴﺎ ﺋﺎﺯﺍﺭﻏﺎ ؛
ﺑﻪﺕ ﺑﯘﻱلاﺭﻧﻰ ﭼﺎﭼﺘﻰ ﮔﯘﻟﺰﺍﺭﻏﺎ....




ﻧﯩﻤﻪ ﻗﺎﻟﺪﻯ ﺳﯩﺰﯨﻠﻤﯩﻐﺎﻧﺪﯨﻦ؟
ﻣﯩﺴﺮﺍلاﺭﻏﺎ ﺗﯩﺰﯨﻠﻤﯩﻐﺎﻧﺪﯨﻦ ؟
ﻣﯩﯖﻪ؟!....
ﺑﻮﭘﺘﯘ ﺋﯘﻧﻰ ﺳﯘﺭﻩﺗﻠﻪﭖ ﺑﯩﺮﻩﻱ ،
ﻛۆﺭﮔﯩﻦ ﺑﯩﺮ ﻳﺎﻗﺘﯩﻦ .
ﺧﺎلاﭖ ﻗﺎﻟﺴﺎﯓ ﺋﯩﭽﯩﭗ ﻛﻮﺭﺳﯩﺘﻪﻱ ،
ﻳﯘﺭﻩﻛﻨﻰ ﺋﺎﻧﺪﯨﻦ .

ﻣﺎﻧﺎ ﺑﯘ ﻣﯩﯖﻪ.....
ﺑﺎﺵ ﭼﺎﺗﺮﺍﻗﻘﺎ ﺷﯘﯕﻐﯩﺪﻯ ﻗﺎﭼﺎﻥ ،
ﺋﻮﺯ ﺭﻭﻟﯩﻨﻰ ﻳﻮﻗﺎﺗﺘﻰ ﻣﯩﯖﻪ ،
ﺗۆﻛﯘﭖ ﺋﯘﻧﻰ ﺗﻪﺧﺴﻪ-ﺗﺎﯞﺍﻗﻘﺎ ،
ﺳﻮﯞﻏﺎ ﻗﯩﻠﺪﯨﻢ ﻗﻮﺷﯘﭖ ﺗﺎﻣﺎﻗﻘﺎ ،
ﻗﻮﺷﯘﭖ ﻫﺎﺭﺍﻗﻘﺎ .
ﺷﯘﻧﺪﯨﻦ ﺑﯩﺮﻯ ﺋۆﺯ ﺟﺎﻳﯩﺪﺍ ﻳﻮﻕ ،
مېڭە ﺩﯦﮕﻪﻥ ﺋﺎﺷﯘ ﺑﯩﺮ ﻧﯧﻤﻪ!
ﺳﯘﻳﯘقلا ﺑﯩﺮ ﻧﻪﺭﺳﻪ ئىكەن ﺋﯘ ،
ﺋﯩﺘﻰ ﺋﯘﻟﯘﻍ، ﺳﯘﭘﺮﯨﺴﻰ ﻗﯘﺭﯗﻕ .
ﺑﯧﺮﻩﻟﻤﻪﻳﺪﯗ ﺋﻪﻣﺪﻯ ﺋﯘ ﺑﯘﻳﺮﯗﻕ
ﻫﺎﻛﯩﻢ ﺑﻮﻟﯘﭖ ﺋﻮﻱ-ﺗﻪپەﻛﻜﯘﺭﻏﺎ .
ﻧﯘﻗﺘﺎ ﺳﯩﻠﯩﭗ ﺋﻪﻗﯩﻞ-ﻣﻪﭘﻜﯘﺭﻏﺎ
ﺩﯨﻴﻪﻟﻤﻪﻳﺪﯗ:« ﺑﯘ ﺗﻪﺭﻩﭘﻜﻪ ﻗﺎﻳﺖ!...
ﺧﻪﺗﻪﺭﺩﻩ ﺳﻪﻥ ﺋﯩﺰﺩﯨﮕﯩﻦ ﻳﻮﺭﯗﻕ!؟...»

ﻣﺎﻧﺎ ﺑﯘ ﻳﯘﺭﻩﻙ.......
ﻧﯧﻤﻪ ﻗﯩﻠﺴﯘﻥ ﻣﯧﻨﯩﯖﺪﻩ ﻳﯘﺭﻩﻙ؟
ﺋﯘ ﺋﯚﺳﻤﻪ ﮔﻮﺵ-ﻣﺎﯕﺎ ﺑﻰ ﻛﯧﺮﻩﻙ!
ﺧﯩﻠﻰ ﺑﯘﺭﯗﻥ ﺳﯩﺘﯩﯟﻩﺗﻜﻪﻧﻤﻪﻥ ،
ﺗﺎﯞﻛﺎﻏﺎ-
ﺩﻩﺗﺘﯩﻜﺎﻣﻐﺎ ﺋﯩﺘﯩﯟﻩﺗﻜﻪﻧﻤﻪﻥ ،
ﯞﯨﺠﺪﺍﻥ-ﻏﯘﺭﯗﺭ ﺩﯦﮕﻪﻧﻠﻪﺭ ﺑﯩﻠﻪﻥ
ﺑﯩﺮ ﭘﺎﺩﯨﻐﺎ ﻗﯩﺘﯩﯟﻩﺗﻜﻪﻧﻤﻪﻥ .
ﺳﻪﯞﻩﺑﯩﻨﻰ ﺗﯩﭙﯩﯖﺎ ﻗﯧﻨﻰ؟...
ﺑﻮﻟﺴﯩﯖﯩﺰ ﺯﯨﺮﻩﻙ؟....

ﻳﻪﺗﺘﻪ ﺋﻪﺯﺍ ،
ﻳﻪﺗﻤﯩﺶ ﭘﺎﺭﻩ ﺋﯘﺳﺘﯩﺨﺎﻧﻐﯩﭽﻪ ،
ﻳﻪﻛﻜﻪ-ﻳﻪﻛﻜﻪ ﺋﯘﺯﯗﭖ ﻛﯚﺭﺳﻪﺗﺘﯩﻢ .
ﻫﻪﺭ ﺋﯘﺯﯗﻛﻨﯩﯔ ﻫﯘﺟﻪﻳﺮﯨﺴﯩﻨﻰ-
ﻛۆﺯ ﺋﺎﻟﺪﯨﯖﺪﺍ ﺗﯩﺰﯨﭗ ﻛﯚﺭﺳﻪﺗﺘﯩﻢ .
ﻗﺎﻟﻤﯩﺴﯘﻥ ﺩﻩﭖ ﻗﯩﻠﭽﻪ ﻣﻪﺧﭙﯩﻴﻪﺕ ،
ﺋﺎﺷﻜﺎﺭﯨﻼﭖ-ﻗﯩﺰﯨﭗ ﻛﯚﺭﺳﻪﺗﺘﯩﻢ!
ﺋﯚﺯﯛﻣﻤﯘ ﺷﯘ ،
ﺳﯘﺭﯨﺘﯩﻤﻤﯘ ﺷﯘ ،
ﺗﻮﻧﯘﭖ ﻳﻪﺗﺘﯩﯔ ﻛﯩﻤﻠﯩﻜﯩﻤﻨﻰ ﺳﻪﻥ؟
ﺳﻪﺳﻜﻪﻧﺪﯨﯖﻤﯘ؟
ﻫﻪﯞﻩﺳﻠﻪﻧﺪﯨﯖﻤﯘ؟....
ﻗﺎﻧﺪﺍﻗﺮﺍﻕ ﺋﯩﻜﻪﻥ ﺑﯘ ﻣﯜﻟﻜﻰ ﺑﻪﺩﻩﻥ؟!
ﺑﺎﻫﺎ ﺑﻪﺭﮔﯩﻦ ﻳﯘﺯ ﺋﺎﯞﺍﻳﻠﯩﻤﺎﻱ ،
ﻣﻪﻥ ﻧﯧﻤﯩﮕﻪ ﺋﻮﺧﺸﺎﻳﺪﯨﻜﻪﻧﻤﻪﻥ؟!!...

1987 -ﻳﯩﻠﻰ ﺷﻪﻫﺮﻯ ﺧﻮﺗﻪﻥ .

تولۇق ئوقۇش

ئامرىكا ئېندىئانلېرىنىڭ شېئىرى چۆچەكلىرىدىن (1)

ئاق تەنلىكلەرنىڭ شەھرى ،
بۇ ئادەملەر قۇرۇش ئۈچۈن كۆپلەپ ئۆي :
قۇرۇش ئۈچۈن – يەر شارىنى قازىدۇ ئۇلار .
قۇرۇش ئۈچۈن – دەرەخلەرنى كىسىدۇ ئۇلار .
تىنىمسىز ئەمگەكلىرىدىن –
قەد كۆتۈرەر ئىگىز بىنالار .

ئىگىز – ئىگىز تاغ چوققىسىدىن ،
سەپ سالىمەن توپ – توپ بۇلۇتقا .
ئەڭ چىرايلىق ئۆيلەرنى
بۇلۇتلارمۇ ياسار ئاسماندا .
ئۇلار قۇرىدۇ ، تامچىپ چۈشەر زىمىنغا شەبنەم .
ئۇلار قۇرىدۇ ، غايىپ بولار تۇرماستىن بىردەم .......

ئاق تەنلىك مەدەنىي ئادەملەر شەھرى ،
چىرايلىق ئەمەستۇر –
بۇلۇتلارنىڭ شەھەرلىرىدەك .
ھەم بۇلۇت شەھەرلىرىدەك پايانسىز ئەمەس ........
.................................................................
كونۇسسىمان چىدىر ئۆيلەرنى ،
بوران ھۇشقېيتىپ سۈپۈرۈپ كەتسە .
ئۆز ئۆيلىرىم ئىلكىمگە ئۆتسە ..........



American Indian Myth Poems

Hartley Alexander

(1)

THE CITIES OF WHITE MEN


:THOSE men build many houses
:They dig the earth, and they build
:They cut down the trees, and they build
.They work always — building

From the elevation of the mountainside
:I behold the clouds
:The clouds build many beautiful houses in the sky
:They build, and they tear down
....They build, and they dissolve

،The cities of white men
:They are not beautiful like the cloud cities
....They are not vast, like the cloud cities

A wind−swept teepee
....Is all the house I own

http://www.blackmask.com

تولۇق ئوقۇش

ئامرېكا ئېندىئانلېرىنىڭ شېئىرىي چۆچەكلىرىدىن، (2)

قوچۇۋەتتى جىمجىتلىقنى شىمال بورىنى
تولدى ھاۋا قوغلانغان قار تۇمانى بىلەن :
مۆككەن زىمىن ،
كۆرۈنمەس ئاسمان ،
غايىپ بولغان بارلىق مەۋجۇدات، ـــ
تولدى ھاۋا يۇقۇملار بىلەن .
ئاستى ، ئۈستى ، ئالدى ، ئارقىسى، ـــ
ئۇنىڭدىن يۈز ئۆرۈگەن زادى قايسىسى ؟.....
سەرسانە ھەم مۇسىبەتتە بارلىق ھايۋانات....
كۈلرەڭ بۆرىنىڭلا مەغرۇر كۈلكىسى .

سىلەر كىمۇ - جۇدۇندا دومىلىغان كىم ؟
سىلەر كىمۇ - يۇقۇملۇق زۇكام تەككەن كىم ؟........
شىمالدىن ۋاز كەچكەن ئىنسان مەۋجۇدمۇ ؟
شىمالدىن چىقىپ كەتكەن يىرتقۇچ ھاياتمۇ ؟
نىپىز مۇز بارماقلىق قارلار ئەبەدىي ..........؟
مەن شىمالنىڭ ئارزۇلۇق قىزى :
لەۋلىرىم يۇمران ، نەپىسىم ئىللىق ،
يۈرىكىم سوقۇپ تۇرار ھاياجان بىلەن ،ــــــــ
سوغۇققا ئەسىر بولۇپ ياشىيالمايمەن ......
سەرسانە ھەم مۇسىبەتتە بارلىق ھايۋانات....
پەقەت كۈلرەڭ بۆرە مەغرۇر كۈلكىسى بىلەن .

ئەتە
ئۆرلەيدۇ ئۈچ قۇياش تۇرۇپ يانمۇ – يان :
يېپىلىدۇ پۈتكۈل زىمىن ئاپپاق قار بىلەن ،ــ
سوغۇق ، سوغۇق ، تىپتىنىچ ئەتراپ .......
سوغۇق ھەم ئىنتايىن تىنچ قار ئىچرە
بارچە ھايۋاناتلار چۈشلەر قوينىدا .....
قالدۇرۇپ كۈلرەڭ بۆرە يىڭى ئىزلارنى
چېپىپ يۈرەر ، قارلىق دالىدا
كۆك رەڭلىك ئۈچ كۆلەڭگە ھەمراھتۇر ھامان .


(
2)

THE BLIZZARD


WHIPPED onwards by the North Wind
:The air is filled with the dust of driven snow
،The earth is hidden
،The sky is hidden
-،All things are hidden
،The air is filled with stinging
-،Before, behind, above, below
؟...Who can turn his face from it
....All the animals drift mourning, mourning
.Only the Gray Wolf laughs

؟Who are ye who wallow in the winds
؟....Who are ye who strike with stinging blows
؟Man−beings out of the North
؟Beast−beings out of the North
؟....Snow−beings with fingers of thin ice
:I am a Daughter of the South:
،My lips are soft, my breath is warm
-،My heart is beating wildly
....I cannot live in the cold
....All my animals drift mourning, mourning
.Only the gaunt Gray Wolf is laughing

:To−morrow three suns will rise, side by side
-،All the earth will be covered with dazzling snow
....Cold, cold, and very quiet. . . .
-،The animals will lie buried in the snow
....Cold, and very quiet. . . .
، But the gaunt Gray Wolf will break a new trail
. Running, with three shadows blue upon the snow

تولۇق ئوقۇش